Vlonjat Dvorani

Inteligjenca është shumë komplekse për t'u zbuluar në testet që testojnë vetëm disa fusha, prandaj krahasimi i rezultateve është njëlloj si krahasimi i maratonës dhe sprintit.

Rezultatet e testimeve të ndryshme të koeficientit të inteligjencës  janë të parëndësishme në gjykimin se sa i zgjuar është ndonjë individ, ka treguar studimi i Universitetit kanadez Ontario i kryer në 100.000 njerëz.

Në këtë studim të testuarit kanë zgjidhur 12 teste të ndryshme të inteligjencës të cilët kanë përfshirë detyrat e planifikimit, konkludimeve logjike, kujtesës dhe vëmendjes. Shkencëtarët në studimin më të madh të kryer ndonjëherë në temën e inteligjencës kanë përfunduar se si rezultati i testeve të tilla është i parëndësishëm sepse ato janë shumë të thjeshtësuara dhe jospecifike, shkruan Daily Mail.

Ajo çka e bën dikën inteligjent është tepër komplekse për t'u përfshirë në vetëm një test, shpjegojnë shkencëtarët të cilët kanë skanuar trurin e vullnetarëve derisa kanë zgjidhur testet.

"Nëse nuk arrini rezultate të mira në testet e inteligjencës, kjo tregon vetëm që jeni të këqij në zgjidhjen e tyre, dhe nuk flet përgjithësisht për inteligjencën tuaj", ka theksuar udhëheqësi i studimit, Roger Highfield.

Ai ka krahasuar inteligjencën njerëzore me Olimpiadën dhe ka shpjeguar se si nuk mund të pohojmë që vrapuesi në njëqind metra është i përgatitur fizikisht më mirë se sa ai që garon në maratonë. Njëlloj kështu, as ai që ka memorie afatshkurtër më të mirë ose që nxjerr konkludime më të shpejta nuk do të thotë që është më inteligjent se ai që ka nevojë për më shumë kohë për konkludime, por ka memorie më të mirë afatgjate ose gjendet më mirë në hapësirë.

Sipas testeve konvencionale, mesatarja e koeficientit të inteligjencës në shoqëri është 100, ndërsa shoqëria e njerëzve me inteligjencë të latë Mensa në gjirin e saj pranon vetëm anëtarë me koeficient të inteligjencës më të lartë se 148.

Cilët janë njerëzit me inteligjencën të lartë     

Sistemi tradicionali i matjes së forcës mendore janë testet e koeficientit të inteligjencës (Intelligence quotient). Edhe pse pak persona i vlerësojnë seriozisht testet këto teste, ato janë treguesi më praktik i fuqisë mendore të një individi të caktuar dhe parashikuesi i arritjeve arsimore. Koeficienti i inteligjencës quhen pikët e matjes së trurit njerëzor. Kjo shifër varion nga numri 20 në 160. Koeficienti mesatar është 100 pikë, prandaj nëse merrni më pak pikë se kaq, atëherë jeni pak më të ngathët se mesatarja e njerëzve. Nëse keni marrë pikë më të larta se 100, atëherë kjo tregon se jeni më të zgjuar se mesatarja e individëve që ju rrethojnë. Gjeni nuk është vetëm Albert Ajnshtajni. Leonardo da Vinçi dhe Michelangelo, Rene Descartes dhe Voltaire e kanë vërtetuar se kanë patur një inteligjencë jashtë normales, por cilët janë njerëzit e kohëve të sotme që do të mbahen mend në dekadat që do të vinë si gjenitë e tokës? Individi më i zgjuar i kohërave është koreani Kim Ung-Yong (1963. Ai u vlerësua me 210 pikë në testin “Stanford Binet”, sipas librit “Gines” të rekordeve. Ai lexon dhe shkruan në gjuhën japoneze, koreane, gjermane dhe angleze që në moshën 4-vjeçare. Në po të njëjtën moshë zgjidhi integrale të vështira dhe krijoi poezi në televizionin japonez. Përfundoi universitetin “Hanyang” në përvjetorin e 6-të. Në moshën 7-vjeçare u ftua në SHBA nga NASA. U diplomua në universitetin e Kolorados kur ishte 15 vjeç. Kreu kërkime shkencore në NASA deri në vitin 1978, atëherë kur u kthye në Kore. Në listën e personaliteteve nga e kaluara ata që kanë koeficientin më të lartë janë individë me shumë aftësi. I pari ndër personalitetet e së kaluarës me një koeficient të inteligjencës prej 190 pikësh është Ludwig Wittgenstein (1889-1951). Wittgenstein është një filozof austriak i shekullit të 20-të, i cili kontribuoi me ide të rëndësishme në filozofinë e matematikës, filozofinë e mendjes dhe veçanërisht në filozofinë e mendjes. Leonardo da Vinçi ishte shkencëtar, matematicien, inxhinier, shpikës, anatomist, piktor, skulptor, arkitekt, botanist, muzikant, poet dhe shkrimtar. Filozofët ju këshillojnë të mos i kini zili apo të rivalizoni me njerëzit në listë. Njerëzit duhen respektuar për veprimet e tyre dhe jo të gjithë e kanë përdorur mendjen e zgjuar për qëllime të mira.

Gjenitë e së kaluarës

Koeficienti     Emri

    * 190 -     Ludwig Wittgenstein
    * 190 -     Sir Isaac Newton
    * 190 -     Fransois-Marie Arouet (Voltaire)
    * 180 -     Leonardo da Vinci
    * 180 -     David Hume
    * 180 -     Buonarroti Michelangelo
    * 179 -     Johann Wolfgang von Goethe
    * 176 -     Emanuel Swedenborg
    * 176 -     Gottfried Wilhelm von Leibniz
    * 175 -     Johannes Kepler
    * 175 -     Edmund Spenser
    * 175 -     Baruch Spinoza
    * 174 -     John Stuart Mill
    * 171 -     Blaise Pascal
    * 170 -     Michael Faraday
    * 170 -    George Friedrich Handel
    * 170 -     Antoine Lavoisier
    * 170 -     Martin Luther
    * 165 -     Galileo Galilei
    * 165 -     Charlotte Bronta
    * 165 -     Johann Sebastian Bach
    * 165 -     Thomas Hobbes
    * 165 -     Carl von Linna
    * 165 -     John Locke
    * 165 -     Joseph Priestley
    * 165 -     Ludwig van Beethoven
    * 165 -     Samuel Johnson
    * 162 -     Rena Descartes
    * 162 -     Madame De Stael
    * 160 -    Albert Einstein
    * 160 -     Robert Boyle
    * 160 -     Benjamin Franklin
    * 159 -     Immanuel Kant
    * 156 -     Linus Carl Pauling
    * 156 -     Sofia Kovalevskaya
    * 156 -     Thomas Chatterton
    * 156 -     Olof Palme
    * 155 -     Rembrandt van Rijn
    * 155 -     Miguel de Cervantes
    * 155 -     Jonathan Swift
    * 153 -     Charles Darwin
    * 153 -     Wolfgang Amadeus Mozart
    * 150 -     George Eliot (Mary Ann Evans)
    * 150 -     Nicolaus Copernicus
    * 150 -     Abraham Lincoln
    * 145 -     Napoleon Bonaparte
    * 145 -     Anna Lindh
    * 143 -     George Sand (Aurore Dupin)
    * 140 -     George Washington
    * 130 -     Ulysses S. Grant
    * 130 -     Sir Francis Drake

Sistemi tradicional i vlerësimit të pikëve të inteligjencës

    Pikët         Sistemi tradicional i vlerësimit
    140 +            Gjeni apo gati gjeni (0.25 për qind)
    130 - 139            Të talentuar
    120 - 129             Inteligjencë shumë e lartë
    110 - 119            Inteligjencës e lartë
    90 - 109             Mesatare/Normale (50 për qind)
    80 - 89             Ngathtësi
    70 - 79             Mangësi në kufi
    50 - 70             Vonesë e lehtë mendore
    35-50             Vonesë mesatare mendore
    20 - 35             Vonesë e rëndë mendore
    < 20             Vonesë e thellë mendore (1 për qind)